Che-sī chha-put-to sì-goe̍h sî-chūn siá--ê sin-koa, chêng kúi-kang ka-ji̍p sin chi̍t-tōaⁿ ê koa-sû.
這是差不多四月時陣寫ê新歌，前幾工加入新一段ê歌詞。
【Ū-miâ Bô-siaⁿ, Pe̍h-chóa Bô-jī 有名無聲，白紙無字】
I sī i sī chin ū-miâ,
Góa sī góa sī lóng bô-siaⁿ,
Ū-miâ bô-siaⁿ, pháiⁿ-lō͘ m̄-thang kiâⁿ,
Ū-iáⁿ ia̍h bô-iáⁿ?
Sī án-chóaⁿ Pe̍h-chóa siá bô-jī?
Sī án-chóaⁿ beh chhut-lâi khòng-gī?
O͘-miâ-toaⁿ ū góa ū lí,
Pe̍h-chóa soah siá bô-jī.
--
→ https://www.youtube.com/watch?v=MuqPbC8zP2c
↓demo ↓
--
āu--lâi koh ka-ji̍p tē-saⁿ-tōaⁿ, thâu-bóe chò chi̍t-ê chiap-sòa:
後來閣加入第三段，頭尾做一个接紲：
Pe̍h-chóa siá bô-jī, 死因無可疑, bô-siaⁿ-bô-soeh teh khòng-gī.
Pe̍h-chóa siá bô-jī, 死因無可疑, bē-kì-tit ka-tī ê miâ-jī.
--
（漢羅對照 Han Lô tùi-chiàu）
伊是伊是真有名，我是我是朗無聲，
I sī i sī chin ū-miâ, Góa sī góa sī lóng bô-siaⁿ,
有名無聲歹路毋通行，有影抑無影？
Ū-miâ bô-siaⁿ, pháiⁿ-lō͘ m̄-thang kiâⁿ, Ū-iáⁿ ia̍h bô-iáⁿ?
是按怎白紙寫無字？是按怎欲出來抗議？
Sī án-chóaⁿ Pe̍h-chóa siá bô-jī? Sī án-chóaⁿ beh chhut-lâi khòng-gī?
烏名單有我有你，白紙煞寫無字。
O͘-miâ-toaⁿ ū góa ū lí, Pe̍h-chóa soah siá bô-jī.
白紙寫無字「死因無可疑」，無聲無說塊抗議。
Pe̍h-chóa siá bô-jī, 死因無可疑, bô-siaⁿ-bô-soeh teh khòng-gī.
白紙寫無字「死因無可疑」，袂記得家治ê名字。
Pe̍h-chóa siá bô-jī, 死因無可疑, bē-kì-tit ka-tī ê miâ-jī.
